TAYANCH MIKROMOLIYA BANKI bosh ofisi yangi manzilga ko‘chdi
Hurmatli mijozlar, hamkorlar va tashrif buyuruvchilar! Sizga shuni ma’lum qilamizki, 2026-yil 17-iyundan boshlab TAYANCH MIKROMOLIYA BANKI bosh ofisi yangi manzilda o‘z faoliyatini davom ettirmoqda.
Bosh ofisning yangi manzilga ko‘chirilishi bank infratuzilmasini yanada rivojlantirish, mijozlarga ko‘rsatilayotgan xizmatlar sifatini oshirish hamda qulay va zamonaviy ish muhitini yaratish maqsadida amalga oshirildi. Yangi joylashuv mijozlar va hamkorlar uchun yanada qulay transport qatnovi, zamonaviy ofis sharoitlari hamda samarali hamkorlik imkoniyatlarini taqdim etadi.
Yangi bosh ofis manzili
100115, Toshkent shahri, Chilonzor tumani, Muqimiy ko‘chasi, 178A-uy.
O‘zgarish kuchga kirgan sana: 2026-yil 17-iyun.
Avvalgi manzil
Toshkent shahri, Sergeli tumani, Ezgulik MFY, Sergeli-8A mavzesi, 3-uy.
Hurmatli mijozlar, hamkorlar va kontragentlardan rasmiy yozishmalarni yuborishda, shartnomalar va boshqa hujjatlarni rasmiylashtirishda, shuningdek, bosh ofisga tashrif buyurishni rejalashtirishda yangi manzilni inobatga olishlarini so‘raymiz.
E’tiboringizni shunga qaratamizki, mazkur o‘zgarish faqat TAYANCH MIKROMOLIYA BANKI bosh ofisining manziliga taalluqlidir. Bankning barcha xizmatlari avvalgidek uzluksiz ko‘rsatilishda davom etadi, mijozlarga xizmat ko‘rsatish tartibi va bankning faoliyat yo‘nalishlarida hech qanday o‘zgarish mavjud emas.
TAYANCH MIKROMOLIYA BANKI mijozlari va hamkorlariga bildirayotgan ishonchi uchun minnatdorlik bildiradi. Biz sizga yanada qulay, zamonaviy va sifatli bank xizmatlarini taqdim etish yo‘lida izchil faoliyat olib borishda davom etamiz.
Bank faoliyatiga oid eng so‘nggi yangiliklar, mahsulotlar va xizmatlar haqida dolzarb ma’lumotlarni rasmiy veb-saytimiz orqali kuzatib boring.